गीत - २२: चोखो माया

केटी : सुर्यको "किरण" जस्तै न्यानो मायाँ तिम्रो
केटा : "पुजा"को फूल जस्तो चोखो मायाँ तिम्रो

केटा :ढोका छेऊ भगवान छ खोज्दै कहाँ जाउँ
       तिमी भन्दा मायाँ गर्ने अरु कहाँ पाउँ
केटी : लाज लाग्छ तिमी मेरो छायाँ परन
        यो भन्दा नि अझ बढी मायाँ गरन

केटा :जिन्दगी भर तिमीलाई नै मन पराउँला
       भमरा झैँ घुमी घुमी नजीक आउँला
केटी : दुईटा शरिर एउटै मुटु बनाई बस न
        त्यै छातीमा तिमी मलाई अझ कस न
दुबै : सफल हुने जिन्दगीको बाटो समाउँ न
       चोखो मायाँ लगाउँदै हामी रमाउँ न ।।

२०६७:१२:२,२२:२० बजे