मैले गोली पड्काइदिएँ

जसो तसो कुरी रा'थ्यो दरबारको ढोका मलाई
मेरो बाऊको दिन बिग्र्याथो मैले गोली पड्काइदिएँ

मेरो बाउलाई गाली गरे सहन सक्ने कुरै थिएन
लैजाउ बरु थुन मलाई मैले गोली पड्काइदिएँ

असन्तुष्टी बड्दै थियो बोलाई बोलाई मान्थे मलाई
सके खोरमा थुन मलाई मैले गोली पड्काइदिएँ

मेरो गती बड्दै थियो ढिलो तिम्रो काम गराई
पुलिस लगाई घिच्याऊ मलाई मैले गोली पड्काइदिएँ

नेपालीले गाली गरे त्यो नि सह्ये थियो मलाई
हतकडिले बाँध मलाई मैले गोली पड्काइदिएँ

बिदेशीले नेपालकै इज्जत लुट्या सुनाए मलाई
बहाना यो मात्र थियो मैले गोली पड्काइदिएँ

धर्मपत्नी समाजसेवा गरी गरी झारी मलाई
उग्र थियो दिमाग मेरो मैले गोली पड्काइदिएँ ।।।

दुम्ब:मार्ग,सामाखुशी
२०६७-०८-२८,१६:३० बजे