तिमीले भनेको काम मैले गर्नु पर्ने
तिमीले जती तिर्नु थियो तिर्यौ
तिमीले सरकारी राजस्व
मैले गर्न मन लागे गर्छु तिम्रो काम
नत्र तिमीलाई के ?
तिमी को हौ र !
के तिमी प्रधानमन्त्रीका नातेदार हौ र !
कोही मन्त्रीका आफन्त हौ र !
मेरा हाकिमका मान्छे हौ र !
मेरो त कोही होइनौ तिमी
अनी तिम्रो काम तिमीले भनेकै समयमा
मैले गर्नु पर्ने किन नी ?!!
जाऊ तिमी जहाँ जानु छ
नजराना नचढाई
तिम्रो भगवानले त तिमीलाई हेर्दैन
डाक्टर झाक्री र बैध्यले त
तिम्रो नाडी छाम्दैन
तिमीले तिर्नु पर्ने कर
राष्ट्रलाई बुझाउँछु भन्दा त
तिमी सक्दैनौ
अनी तिमीले मबाट लिने काम
यती सजिलै कसरी दिउँ म ??!!
तिमी त त्यही
बिना कसुर लाईसेन्स माग्ने
ट्राफिक प्रहरी हैनौ ?
जहाँ कसुर तिम्रो थियो
रक्सीले मातेर
आँफैलाई उभ्याउन सकीरहेका थिएनौ
बटुवाको सहारामा
बिच सडकमा उभीरहेका थियौ
मैले त तिम्रो तस्बिर मात्र खिचेको थिएँ,
हैन हैन तिमी त
त्यो डाक्टर हौ क्यार !
बिना जाँच
तिमी मेरी अर्धाङिनीको
पेट चिर्न खोज्दै थियौ
एपेन्डिसाइट भएको भनेर
सोच त !
मेरा पनि आफन्त
तिम्रा ईलम नजानेका भए ??!!
अनाहकमा मेरी धर्मपत्नी ??
ए हैन
तिमी त कालो कोट लगाउने पर्यौ क्यार !!
मैले हारे नि जिते नि
तिम्रो जित पक्का छ क्यार हैन ??!!
तारिखमा तारिख
कती धाउन लगायौ मलाई ?
हेक्का छ तिमीलाई ??
अनी कती झार्यौ रे ?
प्रती तारिख कती रे तिम्रो रेट ?
त्यो पनि हैनौ तिमी ?!!
को हौ त तिमी ??
ए तिमी त
टेलिभिजनमा जो आए पनि
पछाडि पट्टी टुप्लुक्क आई पुग्ने
पत्रकार महोदय त होइन ??!!
त्यो पनि हैनौ तिमी ?!!
को हौ त तिमी ??
त्यो जङली रुखसँग मिल्ने
लुगा लगाउने हौ ?
निर्धो र निरिहलाई
नाल र बुटको शक्ती देखाउने हौ ?
नाल नाल जुधाउन नसकेर
एकापसमा घुलिन भएका छौ नि अहिले त !!
कहाँ गए ति तिम्रा अपशब्दहरु ??
अर्कै मुख फेरेर आएका त हैनौ नि ?!
कसरी नरम भए तिम्रा रुखा स्वरहरु ?
कुनै कुटिल चाल त चलेको छैनौ नि अझै ?!
झुक अझ झुक
तिमी पनि
यही जनताको राजस्वले नुन पानी भर्दैछौ
त्यो पनि हैनौ तिमी ??!!!
आखिर को हौ त तिमी ??
जनतालाई अन्ध्यारोमा राखेर
करोडौँको गाडी चढ्ने
बिजुली हौ तिमी ?
जता पैसा उतै पानी भन्ने
उखानको चरितार्थ गर्ने
पानी हौ तिमी ??!
कि परल मुल्य भन्दा
तेब्बर महँगो
डोल्पाको नुन हौ तिमी?!
कि पाक्षीक रुपमा भाउ बढ्ने
ग्यास पेट्रोल वा मट्टीतेल हौ तिमी ??
यती अद्रिश्य
आखिर को हौ तिमी ???!!!
२०६७-०८-२०,०८:०९ बजे
सामाखुशी,दुम्ब:मार्ग
