रातैभरि रोईरह्यौ हँसाउन सकिन प्रिया !
तिमीले झैँ ढिक्का आँसु खसाउन सकिन प्रिया !
चोट के थ्यो त्यो मनमा, सोधिरहेँ सोचीरहेँ
उपाय क्यै निस्कन्छ कि, खोजीरहेँ सोचीरहेँ
थाहा पाउनै सकिन त्यो, तिम्रो चोट के थियो खै !
भत्भती यो छाती पोल्यो, अँध्यारोको दियो जस्तै
टप्किएका मोती दाना, खसि रहे खसि रहे
टुलुटुलु एकोहोरो, हेरी हेरी बसिरहेँ
गोली झिके जस्तै गरी, दिलभित्र बन्यो घाउ
मेरो पनि त्यही हाल छ, कसलाई म सुनाउँ ?!!
२०६७-१०-१३,२२:०६ बजे