गजल - ९२

गाउँ घर कुना काप्चा लुक्न हुन्न अब नारी
अरुसँग भाग्य माग्दै ढुक्न हुन्न अब नारी,


नेता यहाँ कती कती जोहो गर्ने कोही छैन
नेत्री बनी अघी बढ्न चुक्नु हुन्न अब नारी,


धैर्यताकी खानी तिमी सुन्दरताकी रानी तिमी
खोक्रो धाक देखाएर भुक्न हुन्न अब नारी,


आमादेखी बुहारीको नारी रुप अनेकछन्
ममता नै लुकाएर सुक्न हुन्न अब नारी,


महिला र पुरुषको भेदभाव हटाउन
पुराना ती संस्कारमै झुक्नुहुन्न अब नारी


२०६८-०१-०१,१९:४५ बजे