तिम्रा गिध्दे नजर

पर्यटन वर्ष यो चलाउन के थालेँ थेँ
बर्ष यो पर्वको मनाउन के थालेँ थेँ
तिम्रो गिध्दे नजर
यहाँ नि छुटेन लगाउन
छिया छिया हुने गरी मुटु
तिम्रो म प्रतीको लाञ्छना
तिमी आफै फलाक्न त के सक्थ्यौ र !
आतँकित बनाई
सारा विश्वलाई
ठड्याई चोर औँला सबैलाई
कतै घुमेको देखेमा नेपाल
कारवाहीमा पर्नेछस् भन्दै
हे आतँककारीहरु हो !!
किन थोपरिस्
यो समग्र शान्तीप्रिय नेपालीलाई
आतङ्ककारीको सँघ्याले ??!!
कतै तिमीहरू
बुध्दको नक्कली जन्मथलोको
अपमानबाट त डराइनौ ?!!
कतै छिमेकीले तिमीहरूलाई
सौदावाजीमा त फसाएनन् ?!!
हेर एक फेर तिम्रै आव्हानमा
दोहो-याएर फेरी
कहीँ तिमीलाई नै अपाच्य नलागोस्
अर्काको घर फोड्न खोज्दा
कहीँ आफैलाई फर्किएर नलागोस्
सच्याउँछौ कि त तिमी
हेराई तिम्रो
गिध्दे नजरको ?!!

जयनेपाल ।
२०६७-०९-३०,०९:३५

तिम्रो याद] (गीत)

रात कालो भई अझ सामु किन छाईरहेछ
यो मुटुमा तिम्रो याद अझै किन आईरहेछ

तिम्रो याद मेटाउन धुँवालाई पीईरहेछु
आहत यो मुटुलाई उव्दिग्न भई जिईरहेछु
पुर्णिमाको रात पनि अँध्यारो नै लाईरहेछ
यो मुटुमा तिम्रो याद अझै किन आईरहेछ

अनाधृत यो मायाँलाई कुन मुटुमा बचाईराखुँ
अधम यो भाव सुनाई किन सबलाई हँसाईराखुँ
मनभित्रका स्वरहरु नबझिने भईरहेछ
यो मुटुमा तिम्रो याद अझै किन आईरहेछ

मेरो केही नसुनेर तिमी यसै रिसाईदियौ
भुल छैन मेरो तर दोष मलाई बिसाईदियौ
अङ्गीकार छ दोष सबै दोषी म झैँ लाइरहेछ
यो मुटुमा तिम्रो याद अझै किन आईरहेछ

चुम्बनका प्यास मेरा आफैभित्र मेटिसकेँ
जिन्दगीलाई साथी मैले अब थुप्रै भेटिसकेँ
मुटुभरि धुँवा राखी बाँच्छु जस्तो लाइरहेछ
यो मुटुमा तिम्रो याद अझै किन आईरहेछ

रात कालो भई अझ सामु किन छाईरहेछ
यो मुटुमा तिम्रो याद अझै किन आईरहेछ
२०६७-१०-०५,११:४५ बजे

श्राप(गीत)

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
मान्छे बन्न नजान्ने म
देवता बन्ने रहर गरेछु
त्यही रहरमा आज आफै
जिउँदो लाश झैँ गली मरेछु

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
मैले यहाँ रोई हेरेँ
हाँसी हेर्ने मौकै भएन
मैले यहाँ मरी हेरेँ
बाँची हेर्ने शँकै रहेन

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
जनता बन्न नजान्ने म
राजा बन्ने कोशिस गरेछु
त्यही रहरमा आज आफै
ढुङ्गा जस्तै एक्लै परेछु

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो ।।
२०६७-१०-०४,२३:२५