गजल

तातेरै जिउनु पर्ने के थियो र जिन्दगीमा

मातेरै जिउनु पर्ने के थियो र जिन्दगीमा



गफैले मस्त पार्न जानेकै थियौ तिमीले

साटेरै जिउनु पर्ने के थियो र जिन्दगीमा



काटेरै जिउनु पर्ने ठानेकै थियौ तिमीले

फाटेरै जिउनु पर्ने के थियो र जिन्दगीमा



टालेरै बुट्टा भर्न जानेकै थियौ तिमीले

नापेरै जिउनु पर्ने के थियो र जिन्दगीमा



चाटेरै जिउनु पर्ने छानेकै थियौ तिमीले

छाँटेरै जिउनु पर्ने के थियो र जिन्दगीमा



दु:खलाई पिउनुपर्छ मानेकै थियौ तिमीले

ढाँटेरै जिउनु पर्ने के थियो र जिन्दगीमा ।।।।



दुम्ब:मार्ग,सामाखुशी

२०६७-०९-१९,०६:४५ बजे

http://anshree.wordpress.com/2011/01/03/गजल-4/

गजल

मान्छे मान्छे भिन्नता हुने रै छ सँसारमा
मानवता रै छ फरक मान्छे अनुसारमा

मेरो तेरो लाहाछाप खोतल्दै निधारमा
किन खोज्छ मान्छेले भिन्नता बिचारमा

रिक्तता त छदैँछ मनभित्रको आभासमा
मास्न खोज्यो कल्ले यहाँ आफ्नो व्यभिचारमा

मार्ग खोज्छ निकासको नसकी लाचारमा
दिक्क मान्दै सुनेरै ठुला लोकाचारमा

लुटी पुग्या छैन खै राष्ट्रको धनसारमा
आँखा छली ब्रम्हलुट भएकै छ भन्सारमा

दुम्ब: मार्ग,सामाखुशी
२०६७-०९-१८,०१:०० बजे

http://anshree.wordpress.com/2011/01/02/गजल-3/