गजल - ८९

बाँच्या थिएँ हाँसो खुशी, तिम्रो घरमा थुन्न आमा
आजदेखि जे भए नि, तिमीलाई छुन्न आमा,

माईलो त घरैभरि नयनैकै नानी भयो
मेरो भाग सबै लुटी, मोटा'छ त्यो टुन्न आमा,

जेठो छोरो तिम्रा लागि, दु:ख दे'नि प्यारो भयो
कान्छो छोरो म-यो भन, तिम्रो लागि हुन्न आमा,

तिम्रो मुटु कस्तो रै'छ,आमा भन्छौ बोल्दिनौ क्यै
झुठो कुरो साँचो भनी, आउँदैन बुन्न आमा,

सानै हुँदा मेरा बाबा, स्वर्ग लोक पुग्नु भयो
आईदेऊ मनभित्रको मेरो पीडा सुन्न आमा

आफ्ना भन्ने आफ्नै लागि शत्रु रै'छ सँसारमा
यो मनको पिर ब्यथा फुकाएर रुन्न आमा ।।

२०६७-१२-१९,०२:३३ बजे