गजल - ९१

http://nepaliheadlines.net/news/%E0%A4%AE%E0%A4%A8%E0%A5%8B%E0%A4%B0%E0%A4%9E%E0%A5%8D%E0%A4%9C%E0%A4%A8/3820-2011-04-01-10-33-38.html

(मलाई यो लिंकले सतायो र गजल लेखेँ )

नछुटिनु थियो साथ छुट्यो त के भयो ?!
टाँसिएको जिन्दगी यो टुट्यो त के भयो ?!

गुनासो त कैल्यै थ्यो'र ! तिमीसँग प्रिय !
दैवले नि रिसै गरी कुट्यो त के भयो  ?!

व्यस्तताले बास मागी शँका जन्मायो कि ! 
त्यही शँका लङ्का बाल्न जुट्यो त के भयो ?!

तिम्रो नामको रातो चुरा हातै भरि थियो
तिम्ले छोड्यौ सबै चुरा फुट्यो त के भयो ?!

झरी बर्षा असिनाले चुट्यो त के भयो ?!
भाग्य फेरि निदाएरै लुट्यो त के भयो ?!

२०६७-१२-१९,०१:१० बजे