सकिसक्यो दशै पनि

जौ रोपेर शुरु भएको यो सालको दशै पनि 

फुलपाती भित्त्र्याएर मार हानेर अघी बढ्यो 

टिका के मात्र लगाएथें निधारमा अनी जमरा शिरमा

पुर्णिमा आएर ढोकैमा जिस्क्याउन थाल्यो  

तैले के गरिस ए ! तँ निकै खुशी छस् 

यो दशैमा गर्न नै के सकिस् र रमाउंछस् 

जुम्ला हुम्लामा खाने चामल छैन 

तँ निधारमा लगाएर पुरुस्वार्थ गर्छस 

आफ्नै देशमा बनेको अगरबत्तीको बास्नाले पुगेन तँलाई 

लाखौंको धन स्वहाँ पारेर मख्ख पर्छस् 

जमघट भन्छस अनी

बोलाउछस वरीपरी भएका र आफ्ना भनाउँदा

दंग पर्छस लाखौंको नोठ बाड्दा

अनी सयौं बोतल रख्सी खनाउँदा

करोडौको स्याउ भित्र्याउछस 

रसिलो भन्दै छिमेकी बिदेशबाट 

कुहिएर गएको नि देख्दैनस त 

जुम्ला हुम्लाका ति आफ्नै देशबाट 

कती हास्छस ए ! नामर्द तँ 

खुशी हुँदै रमाएर 

थुप्रै हवाइ यात्रा गराइ सके 

भागी सके करोडौ कमाएर

अब त भाग भो

कुर्ने छैन तेरो  आफ्नै कुर्ची लडाए पनि

टिका लगाइदिने कोही छैन तेरो अब

सकिसक्यो दशै पनि   ।।।।    

सामाखुशी गल्कोपाखा २०६७-०७-०४