उकाली र वराली म गर्दै भागुं जस्तो
तिम्रो कुरा सुनेदेखी मन भो कस्तो कस्तो
जे जे थियो तिम्रै थियो मैले भन्या थिएं
बाउ भने नि जे भने नि तिम्रै बन्या थिएं
कुरा साच्ची हो
तिम्रो कुरा सुने देखी मनै भाच्चियो
तिम्रो भन्नु मेरो भन्नु कुरा एउटै थियो
गाह्रो सारो मिलाउने सबै देउतै थियो
तिम्रो मन दुखाउने मैले केही गरिन
इस्वरको कृपा आजसम्म भोकै म मरिन
कुरा साच्ची हो
तिम्रो कुरा सुने देखी मनै भाच्चियो
मेरो कुरा नसुनेर तिमी एक्लै बोल्यौ
मनका तिता मिठा सबै एक सेकेन्ड मै खोल्यौ
मैले पनि तिम्रै भलो सोचे जस्तो लाग्थ्यो
दु:ख जेलो गरी मनमा लोभ्याउं जस्तो जाग्थ्यो
कुरा साच्ची हो
तिम्रो कुरा सुने देखी मनै भाच्चियो
मेरो पनि हिरा नै छ तिम्रो जस्तै हिरा
त्यो हिरालाई ठेश लाग्दा हुन्थ्यो मन चिरा
आज तिमीलाई खुशी होला मलाई छैन पिर
अब भने समय भो सोच्ने घरै तिर
कुरा साच्ची हो
तिम्रो कुरा सुने देखी मनै भाच्चियो
दुम्ब:मार्ग,सामाखुशी
२०६७-०७-०५,सांझ 20:28
No comments:
Post a Comment