के हौ तिमी को हौ तिमी

अब झनै यो देशमा देशभक्त नपाईने भो

चुनावमा भोट हाल्न नागरिकता नचाहिने भो

ढाका टोपी लगाएर शिर उठाइ हिंड्नु कहाँ

देशभित्रै नेपाली भै बाँच्न अब नपाइने भो 

सिमा पारी तरी तरी मतदाता ल्याउने भए

के नै बाँकी थियो यहाँ भा को सबै भ्याउने भए  

संघियता भन्नेहरु हुलका हुल उठ्नु कहाँ 

आत्मनिर्णयको अधिकार खोज्ने अझै धेरै जुट्ने भए

देशभित्र बजेट भाषण गर्न यहाँ नदिने भो

क्यान्टुन्मेन्टका जन सेना सभा जान नदिने भो

ढाका टोपी लाउने यहाँ लडीरन्छन मिल्नु कहाँ

हिन्दी भाषण गर्ने अनी धोती लाउने रमाउने भो

एक फेर फर्किएर ऐना अघी बस तिमी

तिमीले गर्या निर्णयलाई निश्चल भै सोच तिमी

छातीमाथि हात राखी निर्भिक मनले बोल्न सके

अनी तिमीले चाल पाउने छौ  को हौ तिमी के हौ तिमी

दुम्ब:मार्ग,सामाखुशी

२०६७-०८-०३,०९:४५बजे