सबै तिमी तर कहाँ तिमी ( गजल एक प्रयास )

सागर भन्थ्यौ आफुलाई दु:ख जती पिउंछु भन्थ्यौ

के गर्यौ यो दुखीलाई  दु:ख सबै  थपीदियौ

कोमल भन्थ्यौ आफुलाई फुलले नि घोच्छ भन्थ्यौ

के गर्यौ सब फुल टिपी कांढा मलाई छोडिदियौ

मायांमा म लिप्त हुन्छु मायां सबलाई बांड्छु भन्थ्यौ

के गर्यौ यो दुखीलाई झनै पिडा थपीदियौ

तिमीलाई जीवन भरलाई साथ मलाई दिन्छु भन्थ्यौ

यत्रो भिडमा एक्लै छोडि रमाएर कहाँ गयौ

नरुनु ल कहिल्यै पनि आंशु मैले पुस्छु भन्थ्यौ

धुरु धुरु रुवाएर हांसी हांसी कहाँ गयौ ।।।  

२०६७-०७-०६,दुम्ब:मार्ग,सामाखुशी

साँझ ५:०८ बजे