तातेरै जिउनु पर्ने के थियो र जिन्दगीमा
मातेरै जिउनु पर्ने के थियो र जिन्दगीमा
गफैले मस्त पार्न जानेकै थियौ तिमीले
साटेरै जिउनु पर्ने के थियो र जिन्दगीमा
काटेरै जिउनु पर्ने ठानेकै थियौ तिमीले
फाटेरै जिउनु पर्ने के थियो र जिन्दगीमा
टालेरै बुट्टा भर्न जानेकै थियौ तिमीले
नापेरै जिउनु पर्ने के थियो र जिन्दगीमा
चाटेरै जिउनु पर्ने छानेकै थियौ तिमीले
छाँटेरै जिउनु पर्ने के थियो र जिन्दगीमा
दु:खलाई पिउनुपर्छ मानेकै थियौ तिमीले
ढाँटेरै जिउनु पर्ने के थियो र जिन्दगीमा ।।।।
दुम्ब:मार्ग,सामाखुशी
२०६७-०९-१९,०६:४५ बजे
http://anshree.wordpress.com/2011/01/03/गजल-4/
No comments:
Post a Comment