श्राप(गीत)

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
मान्छे बन्न नजान्ने म
देवता बन्ने रहर गरेछु
त्यही रहरमा आज आफै
जिउँदो लाश झैँ गली मरेछु

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
मैले यहाँ रोई हेरेँ
हाँसी हेर्ने मौकै भएन
मैले यहाँ मरी हेरेँ
बाँची हेर्ने शँकै रहेन

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो
जनता बन्न नजान्ने म
राजा बन्ने कोशिस गरेछु
त्यही रहरमा आज आफै
ढुङ्गा जस्तै एक्लै परेछु

कसको श्राप यो शिरमा आज परि गयो
हाँसी खुशी बाँच्ने रहर अब मरि गयो ।।
२०६७-१०-०४,२३:२५