गजल

मेरो दिल मुस्कुरायो तिमी के मुस्कुरायौ
मेरो एक नजरले तिम्रो शिर के झुकायौ

नचिने झैँ हेरि रह्यौ बोल्न नै कठीन भो
ओठ टोकी मस्किएर मातले लजायौ

नजिक आई तिम्रो दिलको हाल के सोधेथेँ
थरथर थरथर डराएर ओठ के कमायौ

तिम्रो मुस्कान स्पर्शको सहमती ठानेर
ओठ मैले के जोडेथेँ तिमी खुब रमायौ

फर्की एक्लै आउनु थियो यसै पनि मलाई
यादै आउने गरी तिमीले हात समायौ ।।।

दुम्ब:मार्ग,सामाखुशी
२०६७-०९-१६,१२:०१
नयाँ वर्ष २०११,जनवरी १